საიტზე მიმდინარეობს ტექნიკური სამუშაოები



 თეა მაისურაძე საქართველოს საგანგებო და სრულუფლებიან ელჩად ლატვიის რესპუბლიკაში დაინიშნა 2018 წლის ოქტომბერში.

მისი დიპლომატიური კარიერა საქართველოს საგარეო საქმეთა სამინისტროში 2009 წელს დაიწყო. იგი იყო საერთაშორისო ორგანიზაციების დეპარტამენტის ეუთო-ს სამმართველოს  მრჩეველი (2009-2011); ავსტრიის რესპუბლიკაში საქართველოს საელჩოს, ეუთო-სა და ქ. ვენაში განლაგებულ სხვა საერთაშორისო ორგანიზაციებთან საქართველოს მუდმივი წარმომადგენლობის მრჩეველი (2011-2015); საერთაშორისო ორგანიზაციების დეპარტამენტის ეუთო-ს სამმართველოს უფროსი  (2015); ევროინტეგრაციის დეპარტამენტის დირექტორის მოადგილე (2015-2016); საერთაშორისო ორგანიზაციების დეპარტამენტის დირექტორი (2016-2018).

დაამთავრა თბილისის სახელმწიფო უნივერსიტეტი. მინიჭებული აქვს საერთაშორისო ურთიერთობების მაგისტრის აკადემიური ხარისხი.

ფლობს ქართულ, ინგლისურ და რუსულ ენებს.

ჰყავს მეუღლე, ლევან ანდრიაშვილი და  შვილი, დავით ანდრიაშვილი.





 




 

 


Occupied Territories of Georgia

eVISA portal