თბილისი, 2009 წლის 30 სექტემბერი. დამოუკიდებელმა კომისიამ, რომელსაც ევროკავშირის საბჭომ გასულ წელს რუსეთის მიერ საქართველოზე განხორციელებული თავდასხმის მიზეზებთან დაკავშირებული ფაქტების დადგენა დაავალა, თავისი ანგარიში გამოაქვეყნა. ანგარიშში მოყვანილი თითქმის ყველა ფაქტი მოვლენეთა განვითარების ქართულ ვერსიას ადასტურებს.

კითხვა: რა შეფასებას მისცემდით რუსეთის საინფორმაციო საშუალებებით გავრცელებულ ცნობას დ.მედვედევის განკარგულების შესახებ ე.წ. "სამხრეთ ოსეთთან" ერთობლივი სამხედრო ბაზის შესაქმნელად შეთანხმების დადებასთან დაკავშირებით?

პასუხი: რუსეთი გამუდმებით ცდილობს მის მიერ ოკუპირებულ საქართველოს ტერიტორიებზე ყოფნისა და მის მიერვე შექმნილი მარიონეტული რეჟიმების რაიმე სახით ლეგიტიმაციას. სწორედ ამ მიზანს ემსახურება დ.მედვედევის ეს უკანასკნელი განკარგულებაც.