ლატვიის რესპუბლიკაში საქართველოს საგანგებო და სრულუფლებიანმა ელჩმა, ირაკლი ყურაშვილმა გაცნობითი შეხვედრა გამართა ლატვიის რესპუბლიკის სოფლის მეურნეობის მინისტრთან, არმანდს კრაუზესთან

2024 წლის 17 აპრილს, ლატვიის რესპუბლიკაში საქართველოს საგანგებო და სრულუფლებიანმა ელჩმა, ირაკლი ყურაშვილმა გაცნობითი შეხვედრა გამართა ლატვიის რესპუბლიკის სოფლის მეურნეობის მინისტრთან, არმანდს კრაუზესთან (Armands Krauze).

მხარეებმა განიხილეს სოფლის მეურნეობის მიმართულებით ორმხრივი თანამშრომლობის საკითხები, ასევე დაგროვილი გამოცდილების გაზიარების შესაძლებლობები. აღინიშნა, რომ საქართველოსა და ლატვიას აქვთ სასოფლო-სამეურნეო და საკვები პროდუქტებით ურთიერთვაჭრობის, ასევე მეცნიერებისა და კვლევის მიმართულებით თანამშრომლობის დიდი პოტენციალი.