ქ. რიგაში განთავსებულ „ევროკავშირის სახლში“, გაიმართა გამოფენის გახსნა.

2023 წლის 21 ნოემბერს, ქ. რიგაში განთავსებულ „ევროკავშირის სახლში“, საქართველოსა და ლატვიას შორის დიპლომატიურ ურთიერთობათა დამყარების 30 წლისთავის აღნიშვნის ფარგლებში, გაიმართა გამოფენის გახსნა.

 

დამსწრე საზოგადოებას - ლატვიის პარლამენტში საქართველოსთან მეგობრობის ჯგუფის თავმჯდომარეს, აივა ვიქსნას, ლატვიაში აკრედიტებული დიპლომატიური მისიების ხელმძღვანელებს, ლატვიის კულტურის, მეცნიერებისა და განათლების სფეროს, ქართული დიასპორის წარმომადგენლებს, მისასალმებელი სიტყვით მიმართა ლატვიაში საქართველოს ელჩმა, ირაკლი ყურაშვილმა.

მოწვეული სტუმრები გაეცნენ გამოფენაზე წარმოდგენილ ექსპონატებს, რომლებიც ასახავენ სხვადასხვა სფეროში მოღვაწე გამოჩენილ ქართველ და ლატვიელ მოღვაწეებს და მათ წვლილს ორ ქვეყანასა და ხალხებს შორის მეგობრული ურთიერთობების ჩამოყალიბების პროცესში.

გამოფენა ,,ევროკავშირის სახლში’’ გაგრძელდება 2023 წლის 4 დეკემბრამდე.

#GeorgiaLatvia